អំពីយើង

ហេតុអ្វីខ្ញុំបង្កើតគេហទំព័រនេះ?

ខ្ញុំចូលចិត្តបញ្ចេញមតិរបស់ខ្ញុំដោយការសរសេរ។ ការសរសេរធ្វើអោយវាក្យសព្ទរបស់ខ្ញុំប្រសើរឡើង។ វាក៏អាចធ្វើឱ្យជីវិតរបស់ខ្ញុំមិនសូវធុញទ្រាន់ក្នុងអំឡុងពេលស្នាក់នៅប្រទេសជប៉ុន (ចាប់តាំងពីឆ្នាំ 2021)។

ខ្ញុំបានចាប់ផ្តើម TFD នៅក្នុងឆ្នាំ ២០១៤ នៅពេលដែលខ្ញុំរៀនថ្នាក់ទី ១១ ។ ខ្ញុំមិនដឹងច្រើនអំពីកុំព្យូទ័រទេនៅពេលនោះ។ ចំណែករឿងកាត់តនឹង និងផលិតវីដេអូ រឹតតែមិនបាច់និយាយ។

ចំណេះដឹងតែមួយគត់ដែលខ្ញុំអាចចែករំលែកនៅពេលនោះ (២០១៤) គឺ ភាសាអង់គ្លេស ។ វាមិនល្អឥតខ្ចោះទេ។ ហេតុ​អ្វី​បាន​ជា​ខ្ញុំ​អាច ចាក​ចេញ​ពី​តំបន់​សុខ​ស្រួល( Comfort Zone) មកធ្វេីបែបនេះ? ខ្ញុំគិតថាវាដោយសារតែចំណង់ ។ ខ្ញុំតែងតែមានការចង់ដឹង ថាអ្វីៗនៅជុំវិញខ្លួនខ្ញុំដំណើរការដូចម្តេច។ ខ្ញុំបានចាប់ផ្តើមប្លក់តូចមួយជាមួយ Google Blogger ពេលខ្ញុំរៀនថ្នាក់ទី ១០ ។ វាអត់ជោគជ័យទេ ប៉ុន្តែមានអារម្មណ៍សប្បាយពេលធ្វើវា។ ខ្ញុំរៀនពី html របៀបកំណត់ html element។ ដោយបន្តធ្វើបែបនេះម្តងហើយម្តងទៀត ខ្ញុំបានទទួលចំណេះដឹង និងភាពល្អឥតខ្ចោះបន្តិចម្តងៗ។ ខ្ញុំ​ក៏​មិន​ចាប់អារម្មណ៍ថាសមត្ថភាពរបស់ខ្ញុំបានរីកចំរើនដែរ។ ខ្ញុំសង្ឃឹមថាគេហទំព័រ នេះអាចបំផុសគំនិតក្មេងៗជំនាន់ក្រោយឱ្យស្វែងរកការអភិវឌ្ឍន៍ជាវិជ្ជមានក្នុងជីវិត។