គ្នាយើងច្រើនណាស់យល់ច្រឡំថា ឱ្យតែរៀន Framework មួយឱ្យចប់ គឺអាចធានាបានការងារ Software Engineer ធ្វើ។ តែតាមពិតវាមិនស្រួលអញ្ចឹងទេ! Framework ដូចជា React, Vue, NestJS ឬ Flutter អីហ្នឹង គ្រាន់តែជា "ឧបករណ៍" សម្រាប់សរសេរកូដចេញជា App ប៉ុណ្ណោះ។ អ្វីដែលក្រុមហ៊ុនគេមើលខ្លាំងជាងគេ គឺសមត្ថភាព Problem-solving, បទពិសោធន៍ធ្វើ Project ផ្ទាល់ និងគ្រឹះ (Fundamentals) ឱ្យច្បាស់។
នៅស្រុកយើង ឈ្មោះការងារច្រើនដាក់ថា “React Developer,” “Flutter Developer” ឬ “Laravel Developer” អីចឹងទៅ។ ការដាក់បែបនេះ ធ្វើឱ្យអ្នកទើបរៀនថ្មីៗ (Beginners) ភ័ន្តច្រឡំថា ចេះតែ Framework ហ្នឹងមួយទៅ គឺគេជួលធ្វើការបាត់ហើយ។ តែជាក់ស្តែង Software Engineering វាមានអីលើសពីការសរសេរ UI ឬសរសេរតាម Tutorial ឆ្ងាយណាស់។
Engineer ដែលខ្លាំង គឺត្រូវចេះរៀបចំ និងគ្រប់គ្រង System មួយឱ្យដើរតាំងពីដើមដល់ចប់ (End-to-End)។ មានន័យថាត្រូវយល់ទាំង Frontend, Backend, Databases, APIs (FullStack), ការ Deployment, ការ Monitoring, រឿង Security និង Scalability (ធ្វើម៉េចឱ្យ App ដើរស្រួលពេលមានអ្នកប្រើច្រើន)។ មិនតែប៉ុណ្ណោះ យើងត្រូវយល់ពី Software Development Life Cycle (SDLC) ទៀត តាំងពីវគ្គរៀបគម្រោង រហូតដល់ការតេស្ត និងការតាមដាន App ពេលដាក់ឱ្យគេប្រើផ្លូវការ (Production)។
អ្នកខ្លះអាចនឹងចេះ Syntax Framework ស្ទាត់មែន តែដល់ពេលឱ្យ Debug កូដ, ធ្វើការជាក្រុម (Teamwork), រៀប Infrastructure, ប្រើ Git (Version Control) ឬពេលជួបបញ្ហាពិតៗលើ Production គឺអាចមានការលំបាក។
ម្យ៉ាងទៀត Framework គឺវាដូររហូត! ចឹងហើយបានជាក្រុមហ៊ុន គេចូលចិត្តរើសអ្នកដែលមានភាពបត់បែន ឆាប់រៀនអ្វីថ្មីៗ ជាងអ្នកដែលគ្រាន់តែ "ទន្ទិញ" ចាំតែ Framework មួយមុខនោះ។
សរុបមកវិញ៖ រៀន Framework គឺល្អ តែអ្វីដែលជួយឱ្យយើងជោគជ័យក្នុងអាជីពនេះរយៈពេលវែង គឺការរៀនធ្វើ Project ពិតៗ, យល់ពីគ្រឹះ Computer Science ឱ្យខ្លាំង និងសន្សំបទពិសោធន៍ក្នុងការគ្រប់គ្រង System ទាំងមូលដោយខ្លួនឯង។